Activity Report

Rasha Shurbatji

Rasha Shurbatji

@rasha_hisham_shurbatji

Followers: 905,580Posts: 781Following: 7,495

Syrian Director

View all posts from @rasha_hisham_shurbatji

.
حكيت واقعنا السياسي والاجتماعي بكل صدق، خبرتنا عن الماضي والحاضر والمستقبل، كنت ساخر، وساحر، وفنان ولمّاح ومسرحي وصحفي وموسيقي عظيم، شخص متلك صعب يعيش بهيك زمن عم تندثر فيه كل القِيَم الحلوة اللي حاولت ترسّخها بأعمالك.
جمهورك ما رح ينساك، فنّك باقي، رسائلك خالدة، كلماتك موجودة، وألحانك بالقلب
.
#زياد_الرحباني.. السلام لروحك

55 3835

.
حضرت مسرحيّة #الأخوين_ملص الجديدة #كل_عار_وأنتم_بخير على #مسرح_القباني بـ #دمشق وكانت القصة كلها بتلامس القلب والمشاعر وفيها جمالية عالية ورسالة خلتنا نضحك من قلبنا على أوجاعنا اللي عشناها كلنا كسوريين
.
شكراً لهالشبين المبدعَين المميزَين على كل شي قدموه من نص وأداء بيرفع الراس، فخورين فيكن، و بدنا تقَدمولنا دائماً كل أفكاركن الحلوة على الخشبة والشاشة كمان
.
#رشا_شربتجي

40 1105

..
طلاب السنة الثالثة قسم التمثيل بالمعهد العالي للفنون المسرحية قدموا شغل رائع بالعرض اللي عملوه مؤخراً تحت عنوان #كما_تشاء.
كنت سعيدة بحضور هالعرض وكانوا الشباب مليانين طاقة وتناغم سواء بالتمثيل أو الحوار أو الرقص أو الغناء، في متعة ورسالة وشغل على كل التفاصيل بدقة وعناية ومتأكدة رح يكونوا أسماء مهمة بالسنوات الجايي انشالله
.
بدي أشكر المشرفة على العرض المخرجة الفنانة #مريم_علي وأستاذ الرقص #معتز_ملاطيه_لي، وأستاذ الصوت #فادي_عطية بالمعهد العالي
.
وبدي أتشكر هالشباب الحلوين اللي عم يقدموا أجمل ما عندهن رغم الظروف الصعبة المحيطة فيهن، ويثبتوا أنو السوري أقوى من كل شي وقادر على الخلق والإبداع تحت أي ظرف
.
#رشا_شربتجي

45 1403

⁨ رشا شربتجي: المدينة الإعلامية الجديدة في سوريا فرصة لعودة العصر الذهبي للدراما والأعمال التاريخية الكبيرة⁣
⁣
#SNAX⁣
#الصباح_شو⁩

92 2629 181860

..
هاد التجديد أكيد كلنا بحاجتو حتى نحس بروح مختلفة، ويكون عنا أمل دائماً بشي أفضل وبأيام أحلى، وفعلاً كان كل شي مميز ويدعو للفخر، من الهوية الجديدة والألوان لطريقة الاحتفال
.
وأكيد بتمنى قبل كل شي يكون في أمان وسلام بالبلد بشكل أكبر، وتتعمر هالبيوت، ويرجع كل مهجّر لبيتو، والكل ياخد حقو بعدالة انتقالية حقيقية نشوفها ونلمس نتائجها بعيوننا
.
#سوريا_الجديدة
#الهوية_البصرية
#رشا_شربتجي

0 6402

.
مافي أحلى من ساحلنا وبحرنا السوري
الأوقات هون بتكون حلوة على طول 🩵

#طرطوس #اللاذقية
#رشا_شربتجي

211 11758

.
ما اخترت أني كون بنتك، بس لو خيّروني مية مرة رح أتمنى دائماً كون بنتك، أنت فخري والشي الحلو اللي عشتو بهي الدنيي.
ولا مرة حسيت أنك غبت عني، روحك دائماً حاضرة معي، بتذكرك بكل تفصيل، بكل لحظة مرقِت عصّبت عليي فيها أو ضميتني، بحنّيتك، ووقفتك جنبي بأدق تفصيل
.
مروا سنتين ع غيابك بس لسه عايش عمرك جواتي ورح يضل باقي أثرك فيني عُمر وعمرين وتلاتة

اشتقتلك بابا

#هشام_شربتجي
#رشا_شربتجي

140 2573 150317

..
صباحات الشام رغم كل شي بتضل غير!
هاد الفيديو متل اليوم من سنة مع ميني، الساعة 7 الصبح وانشالله الصباحات الجايي بتكون أحلى على بلدنا وتكون شوارعها مليانة حب وحياة وفرح أكبر
يارب الأمن والأمان وهداوة البال دائماً على بلادنا وأهل بلادنا
.
#دمشق
#رشا_شربتجي

0 8787 243960

..
أديش بحب #مصر و أديش بيفرح قلبي لما زور بلدي التاني اللي بحملو جواتي وين ما رحت مع ذكرياتي الحلوة فيه اللي كانت مليانة دراسة وشغف وطموح ونجاح بحس فيهن كل ما مريت من جنب جامعة #القاهرة اللي درست فيها وبلشت منها حقق أحلامي

فخورة لأني بملك جنسية هالبلد لأنو نصي التاني منو، أمي الغالية، اللي بشوف فيها كل ما زورها الأصالة وحب الحياة والصمود، تماماً متل هالوطن وأجداد هالوطن، الفراعنة اللي رسموا تاريخ وحضارة وعراقة بيفخر فيها كل مصري وكل عربي

أنا محظوظة لأنو قلبي مقسوم نصين بأحلى بلدين بالدنيي كانوا يوماً ما بلد وحدة #سوريا و #مصر

Video editor @kareemnwailati
..
#رشا_شربتجي

0 14320 488456

..
تتداول بعض صفحات ومنصّات السوشال ميديا أنّ الرقابة السوريّة الجديدة ممثّلةً باللجنة الوطنية للدراما قد أجرت حذوفات أو تعديلات قاسية على بعض الخطوط الدرامية في مسلسل «مطبخ المدينة»، وهو أمر ننفيه كصنّاع للعمل، ونؤكّد أنّه حتى الآن، جاءت الملاحظات الرقابية ضمن السياق المنطقي، ولا تقارن بالرقابة أيّام النظام البائد، معظمها كان مفهوماً، وبعضها قمنا بمناقشته وتفنيده، من خلال التواصل مع اللجنة الوطنيّة للدراما التي تجاوبت معنا مشكورةً

نؤكّد على طموحنا كصنّاع للفن بالوصول إلى مرحلة إلغاء الرقابة المسبقة على الأعمال الفنيّة أسوةً بالدول المتقدّمة في هذا المجال، وأنّنا نقف دائماً إلى جانب حريّة الفن والإبداع بكافّة أشكاله، وبما يليق بتضحيات السوريّين لنيل حرّيتهم بعد عقود من القمع والاستبداد، مثمّنين التعاون مع الجهات الرسميّة بما يصبّ في هذا الخصوص

التحضيرات مازالت جارية للبدء بتصوير المسلسل بمدينة #دمشق، ليس هناك وقت زمني محدد للبدء لكننا نحاول جاهدين أن نباشر خلال فترة قريبة كي يكون العمل على أتم الجهوزية وقت عرضه على الشاشات آملين أن ينال استحسان الجمهور

#رشا_شربتجي

135 1975

..
هاد المكان هو #متحف_مصر_الكبير، كنت بقمة السعادة بهي الزيارة وأنا عم شوف تاريخ أجدادنا وتاريخ هاد البلد العريق، وكتير وقفت قدام هالآثار وشو بتحمل رموز وأصالة.
أجدادنا حتى اليوم باقي أثرهن بالعلم والحضارة والثقافة والفن والعمارة والفلك والطب، على أمل نحنا يبقى أثرنا بشي حلو لسنين طويلة ولما تذكرنا كتب التاريخ ما تمر على اللي قدمناه وعم نقدمو اليوم مرور الكرام، أو على الأقل ما ننذكر بصفحات التاريخ السوداء 😔

#رشا_شربتجي

0 11924

.
كان بِوِدّي شارك بالتظاهرة الصغيرة اللي صارت بساحة الأمويين بدمشق اليوم واللي عم يدعي الناشطين فيها لحماية حقوق الحيوان بس للأسف ماني موجودة داخل المدينة، بس أنا مع هالمَطلَب قلباً وقالباً
.
هي أرواح بريئة ما ألها صوت ومافيها تحكي أو تعبّر، وهاد التحرك المدني السلمي صار لأنو في حيوانات عم تنقتل بطريقة بشعة مؤخراً بسوريا بس لأنو شاردة مع أنو في مئات الحلول اللي بتخلي هي الحيوانات ما تضرّ الناس ولا تئذيها و يتم معالجتها صحياً إذا كانت مريضة غير القتل
.
مافي دين ولا أخلاق ولا فكر بيدعو لقتل الحيوانات البريئة غير المحلَّلة للأكل، وكمان استسهال فكرة قتل هالحيوانات بيوصّلنا بالتدريج لأفكار إجرامية أخطر وهيّ استسهال قتل الناس كمان، خصوصاً أنو عم تنتشر بين الأطفال للأسف، لهيك برفع الصوت مع كل حدا عم يطالب بهاد الموضوع ومتل ما بتمنى أنو ما تنزهق أي روح بشرية بريئة ببلدي كمان بقول
#أوقفوا_قتل_الحيوانات_في_سوريا
.
#رشا_شربتجي

230 2941

Similar Profiles You May Like

Carla Diaz

9,258,256 followers

Celina Myers

@celinaspookyboo

@celinaspookyboo

3,722,620 followers

Rasha Halawa

@rashahalawaofficial

@rashahalawaofficial

199,077 followers

Saadi jeli ∆ سعدی جلی

Saadi jeli ∆ سعدی جلی

9,874 followers

🤸‍♀️Таня ЗОЖ💚lifestyle🩵нутрициолог💚саморазвитие,мотивация

🤸‍♀️Таня ЗОЖ💚lifestyle🩵нутрициолог💚саморазвитие,мотивация

1,003,032 followers

Su

@theinsectdiary

@theinsectdiary

9,894 followers

Eric Tu____

99,809 followers

Williams Uchemba

Williams Uchemba

@williamsuchemba

@williamsuchemba

4,287,531 followers